El prósimu día 18 d'avientu, Unión Asturianista (PAS-URAS o URAS-PAS, que tanto monta) va celebrar una comida de xeremandía que, per estes feches navidiegues, ye yá tradicional. Ye la sesta que dambos partíos celebramos xuntos y la vixésimusesta del PAS, que, por ciertu, cumple esti añu nel que tamos los venticincu años d'esistencia (y pal ventisiete pensamos celebralo con un trunfu electoral).
(Por ciertu, y yá qu'andamos estos díes cola tema la unidá. Esta ye, nun fai falta decilo, una xinta d'unidá, o sea, de xuntanza, de xunise, d'axuntase, d'arreyase, de xuncimientu. ¿O vais decime que non?)Pal que quiera asistir -amigu, simpatizante, curiosu, militante- dámos-y los datos fundamentales:
Celébrase'l día 18 d'avientu, nel restaurante El Pinal en Deva, Xixón, a les 2,30.
El preciu son 30 €.
El menu y el serviciu -puedo xuralo- son bonos, perbonos.
L'asistencia, pal que quiera.
Llugar: RESTAURANTE EL PINAL en Deva (Xixón llímite con Villaviciosa, nel Altu l’Infanzón carretera de Pión)
Les tarxetes alquiérense nel mesmu restaurante.
Llugar: RESTAURANTE EL PINAL en Deva (Xixón llímite con Villaviciosa, nel Altu l’Infanzón carretera de Pión)
Les tarxetes alquiérense nel mesmu restaurante.
Perihí vos esperamos ver, y, de nun ser asina, vamos brindar por vós.
No hay comentarios:
Publicar un comentario