La cimbalaria (Cymbalaria muralis, P. Gaertner) ye una plantina (pol so tamañu) de les Escrofulariácees, vivaz, de flores de color violeta pálido y de fueyines acorazonaes o arriñonaes, pero estremaes en 5 o 7 llóbulos un migayín apiconaos.
Crez nes muries, roques, teyaos, etc. Ye bayurosa. Anque se diz que florez de mayu a ochobre, estes, como se ve tán floriaes n'avientu: la semeya ye del 07/12/10, anque seguíen en flor estos díes.
Tómase en ferviatu, como tónica. En cocimientu, como diurética.
1 comentario:
hay nenu cuanto tiempu facia que nun veia yo estes florines, muches gracies por les fotos y explicar tambien pa que sirven. un besin de esta asturiana apolitica que te desea felices fiestes y que el proximu añu venga colmau de bendiciones pa ti y pa tus seres queridos.y que sigas dando caña por muncho tiempu jijiij.
Publicar un comentario