Yá se sabe cuánta obra pública de lo que yá ta programao nun va facese. Yá se sabe tamién cuánto se va retrasar ("reprogramar", diz l'eufemismu). Lo que yá nun ta tan sopelexao ye que VA RETRASASE ABONDO TOLA OBRA PÚBLICA, incluida la que ta adxudicada y programada pal añu, PORQUE NUN HAI UN DURU, o, en términos técnicos nun se tán faciendo certificaciones d'obra pol Gobiernu.Esto ye, si por exemplu, la empresa tien l'encargu de facer cinco kilómetros nel 2010 nun se-y paga más qu'ún, porque nun hai perres pa más. D'esi mou y manera, les empreses paren el trabayu y ponen a la xente na calle. Y detrás de los obreros, los camiones y los xoferes, les pales y los palistes, etc. Y pal 2011 el plan va ser satamente'l mesmu.
Esto ye lo que fai la xente del PSOE (y los que lu sofiten, como IU) polos que diz defender, los trabayadores: mandalos al paru. Y nun hai qu'escaecer, además, que fueren ellos los que comieren tol dineru de la caxa y los qu'empufaren les finances públiques, pa conseguir votos nes caberes elecciones.
Yá se sabe: votu útil y votu progresista.
1 comentario:
Xuan Xosé, cuando munchos defendíemos qu´obres como por exemplu la de la Variante yera una auténtica aberración economica tomábennos por tochos. Nun facia falta ser catedráticos. España como Estáu nun taba en condiciones economiques p´afrontrar el desendolcu d´unes infraestructures como esa, qu´amás, con motivu d´esa incapacidá diben retrasase y diben ocasionar un desembolsu mayor tovía por custiones de mantenimientu de los cachos fechos anantes, y qu´amás diben quedar obsoletes...Llamabennos fatos, cavernicoles...Agora rescampla la capacidá economica d´España (que non del socialismu y nun quixera con ello paecer que defiendo al SOE), pero llamabennos fatos por esti planteamientu xente dende´l PP al PSOE, pasando por dellos asturianistes que víen la Variante como una prioridá (anque munchos déllos saben que tienen un sistema sanitariu, investigatoriu y educativu bien probetayu y nel que la inversión economica ye urxente...)Bien, agora digolo alto y claro,pámique´l problema nun ye´l PSOE, el problema pamidea tienenlo aquellos que tovía piensen que viven nuna primer potencia economica al altor d´aquelles cabezaleres d´Europa y que, digamoslo too de pasu, tienen una montonera menos de kilometros d´alta velocidá.
Publicar un comentario