Cumpliendo con una invitación de María Baldó, del Llagar El Duque, n'El Tragamón, en Xixón, tuve esti llunes visitando les instalaciones.
Acompañónos Pedro, el so hermanu, que ye l'encargaú principal del negociu. Probemos la sidra y viemos les instalaciones. El llagar tien una producción llimitada y ye de los escasos llagares comerciales que nun emplega la química.
Lo más notable del inxeniu son unes prenses que paecen un "chinu" de la cocina, que fueren diseñaes pol padre de dambos. Según dicen, esa cadarma permite sacá-y a la mazana cierta sustancia que tien la pebida, qu'impide que la sidre file.
Visitamos tamién les instalaciones que'l llagar tien pa espiches, curioses, bien afataes y cómodes.
Dempués, falamos llargo y tendío sobre los problemes de los negocios y del empléu, y, cómo non, de qué manera los malos políticos -que son casi toos aquellos a los que voten con entusiasmu tanto los que tienen trabayu como los que van al paru- nun faen otra cosa que poner problemes a cada solución. Falamos tamién d'Asturies, esto ye, lloramos tamién d'Asturies.
Por cierto, tanto María como Pedro y el maridu d'esta, que nun taba presente, son oyentes del Avisperu de la Cope, especialmente los xueves, cuando toi yo; lo que s'agradez.
Nun fai falta decir, dotramiente, que la familia tien tamién l'afamáu restaurante El Duque. N'otru orden de coses, María asoleya recetes de cocina, como podéis ver los que la sigáis na so cuerria en Facebook.
Asoleyo tres semeyes de la visita: una xunto a les prenses, otra al pie de los toneles de madera, la tercera, xunta una presa antigua y l'antigua enseña de la patria.
No hay comentarios:
Publicar un comentario