Un de los escándalos mayores de los últimos tiempos ye'l de l'arena que nun val pa la playa de Xixón. Y yelo doble, según van ver.
En primer llugar pol coste d'un increíble despilfarru. ¡Presten oreyes, o sea, güeyos! Nel 30 de septiembre de 2004 ponse en marcha un «Proyecto de regeneración de la playa de San Lorenzo», que tien como intención el correxir el desplazamientu de sable dende El Piles a San Pedro (¡Sí, sí, vayan riéndose!). El costu del proyectu ye de 1.601.264 €uros.
Pues bien, siguiendo esi proyectu ponse en marcha'l plan y atrópase l'arena (ta agora depositada n'El Musel). Pero resulta que, dempués, descúbrese que'l sable recoyío y atropao nun ye afayaízo, porque'l granu l'arena ye más gordo del calibre que tien el de San Llorienzu. ¡PERRES TIRAES!
Dempués d'eso, y cuando se descubre el pastel, dizse que l'arena, en tou casu, va valir pa rexenerar otres sableres, pero, desaminada la cuestión, paez que nun val pa ninguna que lo necesite.
La cosa ye peor entovía, porque resulta que la playa de Xixón nun pierde arena: pasen vustedes poles escaleres que van de la 9 a El Piles y van velo cómo casi se sal. Y por si fuere poco lo que ven los nuestros güeyos, han de sentir lo que dicen los espertos: Los expertos aseguran que ninguna de las playas gijonesas pierde sedimentos (La Nueva España del 22/10/2010)
Pero ye peor entovía: esto de que San Llorienzu pierde sable ye un cuentu vieyu. Inventólu ya Vicente Álvarez Areces a mediaos de los 80, cuando quiso facer "un dique semisomorguiáu" na mitá de la playa, lo que-y chamos atrás dempués de munches protestes y manifestaciones los xixoneses y el PAS.
Ye más, entóvía años más tarde volvió Álvarez Areces col cantar de que la zona El Piles perdía sablera, y, otra vegada, a los dos meses, enllenóse tanto d'arena esa zona que, como esti añu, salióse al paséu. D'aquella a Areces dimos-y el Premiu Nostradamus, pola so capacidá profética.
Y agora fáganse una pregunta, entrúguense: ¿quién andará detrás d'esti negociu dende fai tantu tiempu? ¿Qué amigos de qué amigos?
En primer llugar pol coste d'un increíble despilfarru. ¡Presten oreyes, o sea, güeyos! Nel 30 de septiembre de 2004 ponse en marcha un «Proyecto de regeneración de la playa de San Lorenzo», que tien como intención el correxir el desplazamientu de sable dende El Piles a San Pedro (¡Sí, sí, vayan riéndose!). El costu del proyectu ye de 1.601.264 €uros.
Pues bien, siguiendo esi proyectu ponse en marcha'l plan y atrópase l'arena (ta agora depositada n'El Musel). Pero resulta que, dempués, descúbrese que'l sable recoyío y atropao nun ye afayaízo, porque'l granu l'arena ye más gordo del calibre que tien el de San Llorienzu. ¡PERRES TIRAES!
Dempués d'eso, y cuando se descubre el pastel, dizse que l'arena, en tou casu, va valir pa rexenerar otres sableres, pero, desaminada la cuestión, paez que nun val pa ninguna que lo necesite.
La cosa ye peor entovía, porque resulta que la playa de Xixón nun pierde arena: pasen vustedes poles escaleres que van de la 9 a El Piles y van velo cómo casi se sal. Y por si fuere poco lo que ven los nuestros güeyos, han de sentir lo que dicen los espertos: Los expertos aseguran que ninguna de las playas gijonesas pierde sedimentos (La Nueva España del 22/10/2010)
Pero ye peor entovía: esto de que San Llorienzu pierde sable ye un cuentu vieyu. Inventólu ya Vicente Álvarez Areces a mediaos de los 80, cuando quiso facer "un dique semisomorguiáu" na mitá de la playa, lo que-y chamos atrás dempués de munches protestes y manifestaciones los xixoneses y el PAS.Ye más, entóvía años más tarde volvió Álvarez Areces col cantar de que la zona El Piles perdía sablera, y, otra vegada, a los dos meses, enllenóse tanto d'arena esa zona que, como esti añu, salióse al paséu. D'aquella a Areces dimos-y el Premiu Nostradamus, pola so capacidá profética.
Y agora fáganse una pregunta, entrúguense: ¿quién andará detrás d'esti negociu dende fai tantu tiempu? ¿Qué amigos de qué amigos?
Yá lo diz el refrán: Amigu que da dineru, ¡miániques!, ye verdaderu.
No hay comentarios:
Publicar un comentario