Samaniego

Torno equí esta famosa décima de Félix María de Samaniego. Ensin dulda, meyora l'orixinal (y nun ye por presumir). Failo, evidentemente, por tar n'asturianu (ye medio broma), pero, sobre too, por una razón de congruencia del testu cola realidá. Aldovine l'intelixente llector (la figura llámase epítetu y, tamién, combayonería) por qué ye.

Subió una mona a un nozal

y, coyendo la nuez, muerde

el frutu nel muergu verde,

lo que-y supo permal.

Aventóla l'animal

y quedóse ensin comer:

asima suel suceder

al que la empresa abandona

por topar, como la mona,

al entamu, qué vencer.