[BAD10] L'Agua

Pa falar del agua, ¿qué meyor que que falen por nós los poetes o, meyor, la poesía?

LA FONTE DE FASCURA
(Xuan María Acebal)

Baxando el puertu Sueve
D’Antayu so la falda, […]
Esquita de la peña
La fonte qu’hai más guapa. […]
¡Qué suave qu’ella cuerre!
¡Qué llimpia surte l’agua!
¡Qué comba fai el vidru
Que de la peña salta!
Y ¡cómo les burbuyes
Rebullen na fontana
Al par que cuerri nella
Aquel gordón de plata. […]


AL RÍU CARROCÉU
(Ángel García González)

Llagrimina de Dios, rapaz parlleru,
Enriador y espumosu gorgoritu,
Gotera d’un llagar del infinitu,
Sorbiquín corredor y bullangueru. […]



CANTAR Y MÁS CANTAR
(Xuan María Acebal)

Aquí yera el cantar, aquí riise,
Si el riise y cantar de dicha e seña,
Pos aquí too canta y rise too,
Flores, páxaros, aire, tierra.

Les fontes están siempre marmullando
Al gargolar del agua de la peña,
Y los páxaros van de rama en rama
Cantando sos amores en so llengua.

El regatu paez que canta y llora […]


ASTURIES, FÍA DEL AGUA
(Xuan Xosé Sánchez Vicente)

Si nun supiere l’agua
los tos caminos,
allamparíen de sede
lleña y gorbizos.

Si les fontanes tuyes,
Nun esistieren,
Lloraríen pol verde
Les saltaeres.

Quien non sepia’l to nome,
Tántalu vueltu,
Que les agues se-y Fagan
Polvu d’areñes.

Quien non sepia’l to nome
Nin onde quedes,
Que les fontes se-y tornen
Toes llamuergues.

Quien nun conoz, Asturies,
Les tos fontanes,
Que-y enllene la boca
Tela d’arañes.

¿Cómo pensate, Asturies,
valle o montaña,
Si te fexo la tierra
d’orbayu y agua?

ENTRUGA:

¿Atreverase'l PSOE a facer esti añu, lo que fizo'l pasáu añu 2009 nel "Blog Action Day"? (ver EQUÍ)