¿Sueldu rebaxáu o pensión conxelada? Tranquilo, consuélense comprobando lo bien que se gasten los cuartos que-y acaben de quitar:
Momblona (Soria) de 29 vecinos, aprovechó'l "Fondo Estatal para el Empleo y la Sostenibilidad Local" pa comprar un "ordenador portátil y equipo digital de ofimática multifunción" de 3.459 €uros, con un plazo d'execución d'un mes (¿pa enchufalu?).
Y ehí tienen el cartelu propagándísticu de cuasi 12 metros cuadraos y con un costu de cerca los 1.500 €uros (pola fabricación, transporte y instalación).
Pa siguir col absurdu, un funcionariu municipal aseguró ayer a El Confidencial que l'ayuntamientu solicitó a la empresa pública Tragsa (dependiente del Ministeriu de Mediu Ambiente) la retirada del molestu cartel. "El nuestru presupuestu ye mui pequeñu y nun da pa quitar la valla", pero, de momentu, van dándo-yos llargues.
"Nun somos los únicos. En Maján, el pueblu vecín, tamién punxieron un cartelu enorme pa dicir que diben iguar l'allumáu públicu. Y la obra sólo costó 1.700 €uros, mucho menos que'l nuestru ordenador", diz el funcionariu de Momblona.
Como siempre, recomiendo pinchar EQUÍ cada vez que-y paguen el sueldu rebaxáu o pensión conxelada .
No hay comentarios:
Publicar un comentario