Ún de los mayores escándalos d'estos díes ye l'apación de 3000 depósitos españoles en cuentes opaques en Suiza. Previsiblemente, polo tanto, una brañada de defraudadores descubiertos (ensin dulda hai otros munchos más nesi y n'otros países). Lo qu'ún espera agora ye que enriba d'ellos nun solo caiga Facienda, sinón el pesu la llei.Porque los titulares d'eses cuentes tendrán ganao, polo menos, parte d'eses perres equí. Y aprovéchense de tolos servicios del Estáu que paguen tolos ciudadanos españoles, dende les carreteres a la propia esistencia l'Estáu.
Asina que lleña'l monu basta que cante'l creu.
Y vamos esperar que, detrás d'ellos vengan otros munchos.
Lo qu'ún llamenta ye que la información venga d'una denuncia y non d'una investigación. Per otra parte, ¿cuándo vamos acabar coles cuentes secretes y los paraísos fiscales?
1 comentario:
Nun toy d'acuerdo, los paraisos fiscales mala traduccion de tax haven (puertu de refuxu) son un instrumentu valiosisimu escontra la arbitrarieda confiscatoria impositiva de los estaos.
El dineru nun pertenez a los politicos que arrogantemente nos permiten quedanos con una parte (por cierto crecientemente mengauada) de los que ganamos , les perres son nuestres hasta que l'estau nos les quita coactivamente via impuestos.
Ademas la existencia de paraisos fiscales precisamente pon-y barreres a la fartoneria fiscal de los gobiernos que saben que la xente puede tratar d'escapar coles sos perres a otru sitiu si los apreten demasiao.
Vease por exemplu luxemburgu el pais mas ricu de la Xunion europea ye tamien el que tien una fiscalida menos opresiva ... nun deberiamos los asturianos tomar exemplu d'esto ?
El debate que deberiemos tener nun ye si unes cuantes persones tienen unes cuentes en suiza , el bien xeneral demanda que deberiemos tar tratando de reducir el monstruosu papel de les administraciones publiques nes economies europees, reduciendo en consecuencia la necesida de financiar tantes y tantes actividaes via impuestos ... Que los politicos nos dexecn quedanos con una mayor de les perres que honradamente ganamos, ya podia ser europa un enorme paraisu fiscal non l'infiernu fiscal socialmemocrata nel que vivimos agora.
Un saludu asturianista
Publicar un comentario