Dende'l día 18 hai un argayu en Llastres que pon en peligru los peatones y los conductores. Ye verdá que s'iguó parcialmente, porque, de primeres, la tierra arrastrara dos ocalitos grandotos y estos taben taramingando enriba la carretera, calteníos sólo por unos cables. Les quimes de los ocalitos cortárense, asina que'l peligru yá nun ye tan inminente y nun apeligren los cables. Pero, con tou, síguese corriendo'l peligru de qu'acaba d'esfanar tou y de que caiga enriba de daquién.Pa más aquél, los peatones vense obligaos a chase a la carretera pa transitar perihí, colo que tienen el riesgu los coches.
De mou y manera que yá ye hora. ¡al tayu, Conseyeru d'Infraestructures!
Nota: La semeya ye d'Alba Sánchez R., y apaeció na Nueva España del 26/06/10
No hay comentarios:
Publicar un comentario