En xeneral, el comportamientu de l'alministración y los equipos de rescate y trabayu (bomberos, policía, operarios de los ayuntamientos, brigaes d'incendios, 112, etc.) fue magníficu. Trabayóse bien y rápido y fízose en munchos tayos a la vegada.Ensin embargu, hai que señalar que se cometieren erros previos de gravedá. El más bultable fue, ensin dulda el del Bau, en Navia, pero tamién los de Bueñu, Les Caldes o Pravia.
Munchos d'ellos veníen alvirtiéndose polos vecinos, ensin que se-yos ficiera casu. Nel casu concretu de Pravia, avísenme los collacios del PAS d'esi conceyu que, al respective del pueblu d'Agones, yá en mayu llamaren l'atención sobre la obra (qu'ellos llamaben "faraónica") que se taba faciendo orielles del Aranguín y yá entós avisaben de los peligros qu'arreyaba'l tipu d'obra que se taba faciendo y del peligru que corríen les tierres, propiedaes y viviendes de la rodiada.Creemos que, nesti y n'otros casos, nun solo hai que llamentar y pagar los daños de los desbois y correxir los problemes que los causaren, sinón qu'hai que pedir responsabilidaes a les instituciones impulsores.
No hay comentarios:
Publicar un comentario