Si usté ye funcionariu o cobra un sueldu del estáu (profesores la privada, por exemplu), esto ye, si usté ta nuna d'eses aprosimadamente 70.000 persones, yá sabe que va ser ente un 10% y un 3% más probe.Pero nun acaben equí les sos llaceries: van subir dos puntos l'IVA, coles sos repercusiones nos autobuses, nel calzáu, nes fabes, nes cremes, etc. Y, además, van subi-y tamién cerca d'un 4% la electricidá, a partir d'esti mes.
Del mesmu mou y manera, el PSOE y IU n'Asturies van subi-y otros impuestos: pa toos el recibu d'agua y cantarilláu; pa dalgunos, la compra o tenencia de dellos coches, pal transporte, pal notariu, pal rexistrador, pa les herencies...Y la cosa nun va aparar equí, pal añu que vien van subir más impuestos, seguramente hasta l'IRPF (non sólo pa les rentes del trabayu más altes, pa toos).
Yá ve: eso ye lo que da de sí'l votu progresista. Porque, nun crea, les perres siguen tirándolos a maconaes. Pa coses que son completamente inútiles y pa los amigos, d'un llau; pa coses qu'aparentemente son útiles, como los ordenadores pa tolos escolinos, que constituyen una inutilidá absoluta e inxusta, en cuantes el regalu ye pa toles rentes.
No hay comentarios:
Publicar un comentario