La India ta convirtiéndose nun mercáu importantísimu poles sos dimensiones, pola so dinámica de crecimientu, pola voluntá de crecer y pola seriedá les sos instituciones. Ye seguramente nestos momentos el mercáu más afayaízu p'allugase nél teniendo en cuenta toos esos vectores, dende llueu, munchu más que China, ¡ensin comparanza!
Pues bien, dende'l PAS podemos presumir de que polo menos tres premios Meyor Empresa del PAS tán asitiándose y trabayando nesi mercáu: Talleres Alegría, Zitrón y, agora Daniel Alonso. D'esta cabera empresa -que, por cierto, tanto y tan bien se vien diversificando nos caberos años- daba la prensa la noticia'l sábadu 19 de que, al través de Windar, diba entamar na India una empresa de fustes asemeyada a la que vien funcionando hai años n'Avilés.Dende'l PAS alegrámosnos por esa conquista de mercaos de les empreses asturianes, única forma de que podamos crecer, crear empléu y pagar impuestos y, otra vegada, volvemos felicitanos pola nuestra iniciativa de crear el premiu Meyor Empresa d'Asturies va tantos años. Y, ¡cómo non!, de seleccionar pa la escoyeta del premiu a unos xuraos tan acertaos y tan xenerosos, que, per otru llau, inxamás s'enquivoquen na so elección.
No hay comentarios:
Publicar un comentario