Respuesta (primera) a "Indalecio"

A propósitu del guañu del 25/11/09 Estatut: la trampa y los tramposos, "Indalecio" fexo esti ensiertu:

¿A que vuelatrenes se refiere usted? Creo que se pasa usted siete pueblos. Looo mas gracioso es que en eríooo donde quiere pescar usted no va a pescar ni un "pexe" para los del PP usted es un nacionalista radical y peligroso bablista, aunque sea usted tan incoherente que es capaz de criticar a catalanes o vascos por pedir para suautonomíasas lo que ustedesearíaia para Asturias.Si tiene información de algún vuelatrenes pues ya sabe que tiene que ir al juzgado.Tiene usted una obsesión enfermiza con el PSOE debe ser porque milito en el y ocupo cargos .
25 de noviembre de 2009 15:33

Anque l'ensiertu d'Indalecio (Prieto, supongo) tien munchu que comentar y ye un exemplu de lo que determinaes mentalidaes piensen sobre los sos conciudadanos, vo llimitame güei a precisar dos cuestiones. La primera, de mena llingüística: "vuelatrenes" ye una palabra coloquial vieya (de, polo menos, cincuenta años, y seguramente ye anterior al 36). Significa "calavera", "vivalavirxen", "irresponsable", etc. De nada.

La segunda: Yo dexé'l PSOE porque me dio la gana. En realidá, decidí dexalu a los pocos meses de tar nél (nel 78) por dos razones: la primera polo que yo vi que diba ser la so inutilidá p'Asturies, la so sumisión a Madrid, la so enemiga pa con toles señes d'indentidá asturianes; la segunda, la so incapacidá pa entender el mundu y pa xestionar la economía y la alministración pública, que, pa entendenos, yera satamente igual de desastrosa con Guerra y González como lo ye agora con Zapatero. Creo que, de toles profecíes que fexe na vida, nesa nun m'enquivoqué un migayu.

Claro que decidí marchar en silenciu y dempués d'acabar el mio contratu col PSOE (83), pidiendo que, nes siguientes llistes, nun se me pusiese y col enfotu de poner en marcha lo que dempués fue'l PAS. Too ello, de forma discreta y ensin aprovechame de nada, y, menos, de los asturianos. Creo que tolo que yo fexe nesos años (incluyíu l'artículu 4º l'Estatutu), dende'l PSOE, polos asturianos nun será de les menores aportaciones feches por nadie nestos últimos trenta años, al revés. Too ello nun quita pa que tenga güei entovía magníficos amigos nel PSOE, a los que tengo un gran afectu.

Y, pa terminar, quiero recordar que dempués fui diputáu 8 años pol PAS y por Coalición Asturiana.

Asina que les coses que digo y fago son en coherencia cola mio trayectoria de tola vida, y non porque tenga rensía alguna pa daquién.

Al revés, orguyosu de lo que fice y, como se ve, confirmáu una y otra vegada polos fechos de que'l PSOE yera y ye un partidu inútil p'Asturies, sumisu a Madrid y enemigu de les señes d'identidá asturianes.

De lo demás, de les presuntes mios "incoherencies" al nun alegrame de lo qu'algamen los nacionalistes d'otres comunidaes, falaré otru día, nuna comunicación que respuende tamién a lo que punxera "Yio" nun ensiertu al mesmu guañu.