Güei sigue siendo día de fatigues ente los felices escesos de Nuechigüena y Navidá y el refalfiu yá de Nuechivieya, pero, con tou, voi da-yos la solución a la cosellina o cosadiella d'ayer. ¿Cuálu ye'l porcentaxe d`homes amenazaos nes relaciones de pareya?
Pues, la solución a la entruga -según l'axencia EFE, que, a la vegada, cita los datos del Gobiernu-, ye del 34,3 llargu ente los estranxeros, esto ye, 12.472 muyeres víctimes "de violencia machista" tienen medíes de protección y 3.936 homes (¡sí, 3.936!) son tamién ¡víctimes de violencia machista!
Como tamos ente fiestes, déxo-yos a vustedes el trabayu de pensar. Pero invítolos e invítoles a pensar en dos direcciones: de qué únicu llau vien (o per qué unica oreya entra) tol griteríu que se siente y cómo ye posible que'l supuestu sobre'l que se basa tola llexislación pile o entorne sólo pa un llau, o, meyor, tenga un sofitu tan falsiable.
La respuesta ye: ¿y vustedes a quién voten? Vustedes, muyeres y paisanos, ¿creen que los traten como racionales, como persones, los llexisladores?
1 comentario:
que ascu das.
Publicar un comentario