El prósimu día 12 d'avientu, Unión Asturianista (PAS-URAS o URAS-PAS, que tanto monta) va celebrar una comida de xeremandía que, per estes feches navidiegues, ye yá tradicional. Ye la quinta que dambos partíos celebramos xuntos y la vixésimuquinta del PAS, que, por ciertu, cumple esti añu que vien los venticincu años d'esistencia (y pal ventiséis pensamos celebralo con un trunfu electoral).
(Por ciertu, y yá qu'andamos estos díes cola tema la unidá. Esta ye, nun fai falta decilo, una xinta d'unidá, o sea, de xuntanza, de xunise, d'axuntase, d'arreyase, de xuncimientu. ¿O vais decime que non?)
Pal que quiera asistir -amigu, simpatizante, curiosu, militante- dámos-y los datos fundamentales:
Celébrase'l día 12 d'avientu, nel restaurante El Pinal en Deva, Xixón, a les 2,30.
El preciu son 30 €.
El menu y el serviciu -puedo xuralo- son bonos, perbonos.
L'asistencia, pal que quiera.
(Los mítines, enantes de comer, nun son mui grandes: másimu, 10 minutos en total).
Perihí vos esperamos ver, y, de nun ser asina, vamos brindar por vós.
1 comentario:
Trés coses:
.¿Entá furrula la URAS?
.¿Qué victoria camentáis cellebrar l'añu que vien?
.Como sía, felicidades al PAS polos sos 25 años d'existencia, y por tar ehí y tener la voluntá de siguir siendo una fuercia política d'Asturies, anque tea fuera de la Xunta Xeneral (eso sí; con un par d'alcaldíes).
Publicar un comentario