El prósimu vienres, día 4, invitáu por Antonio Merayo y dientru de los "Encuentros poéticos en el antiguo Instituto", doi un recital de poesíes míes, recital que presenta testos que van dende'l más tempranu poemariu (Camín de señardaes,1980), al caberu (As de corazon/es/y/es, 2001), pasando por Poemes de Xixón (1981), De reidores costes (1988), ...Y de llastientes picos (1999).
La muestra ta ordenada por materies y va buscar muestres d'estilos estremaos y de temática variao.
El llugar ye, como queda implícitamente dicho enriba, l'antigu Institutu (Plaza'l Parchís, Cai Xovellanos), en Xixón, y la hora las 8 la nueche del vienres, 4.
La entrada ye llibre y prestaríame qu'anduvieréis perillí los que teais mui dispuestos al sacrificiu (o que tengáis el pigazu fácil).
Un saludu afectuosu.
No hay comentarios:
Publicar un comentario