1) Nun pensé yo que fuera afalar tantes pasiones y comentarios el mio ensiertu (un pelín coyuntural) sobre don Sabino Fernández Campo. Sorpréndeme (o nun me sorprende). En tou casu, agradezo tolos comentarios. 2) Sólo quiero comentar ún, el primeru, firmáu por "Xastre". Diz asina:
«Pues paezme, Xuan, que nun supo callar dalguna cosina. Estrañame muncho qu'escaecieras les declaraciones que fixo a la escontra de la llingua asturiana, diciendo que taba bien namás que pa falala na intimidá familiar y que además yera un peligru pa la unidá d'España. Que non porque morriera hai que sólu afalagalu. Polo demás, razón nun te falta nel restu la entrada.»
27 de octubre de 2009 12:45
Un comentariu a esi arreyamientu:
a) Nun me gusta facer necrolóxiques con "peros", pa eso, prefiero nun faceles; del mesmu mou que nun me gusta tampoco facer "vivolóxiques" con "peros", con esi mou tan asturianu que ye'l procedimientu perindólicu del "pongo una y quito dos". b) En tou casu, hai que pensar que los asturianistes necesitamos sumar y nun restar, y que pa qu'Asturies sea grande, como queremos los asturianistes más que naide, son necesarios toos, especialmente los que valgan.
c) Finalmente, salvo colos políticos, que tienen responsabilidaes directes derivaes del so cargu, nun hai qu'enfadase munchu colos que dicen tonteríes sobre l'asturianu o ignoren esa realidá nuestra o desconocen otres. Vamos tener con ellos una postura evanxélica: ¡Perdonalos, porque nun saben lo que faen (nin lo que dicen)!
2 comentarios:
Xuanín nun faigas tantos enfotos por querer metete nel PP porque nunca t'aceptarán más que pa lleva-y los cafelitos a Pilar Pardo y quita-y el polvu a Ovidio. La mayoría nel PP ódiente, por too, poles X del to nome, y por dar cancha a una "bestia prieta" del PP como ye Sergio Marqués. Nun insistas con ellos... déxalos que canonicen a los sos beatos na Nuva España mientres el restu nos reímos d'ellos y de la pena que dan, esta derecha tan fascista y beata que padecemos n'Asturies.
¿prestaríate a ti muncho que Xuanxo y el PAS colara pal PP (cosa que nun pasará enxamás por sides bultables)?, ¿pa qué? ¿pa que la to tendencia votar a IU y nun votar nacionaliegu tuviera dalgún aliviu per comparanza?.
Publicar un comentario