Yá ven, Obama contribuye a allargar la crisis, creando él mesmu una pómpara inflacionaria, o, por meyor decir, siendo él l`activu sobre`l que se crea una pómpara inflacionaria. Porque`l Premiu Nóbel de la paz que se-y dio nun ye más qu`eso: un apueste sobre`l valor futuru d`Obama.
Y ún teme qu`esi valor futuru d`Obama venga a resultar una pómpara, como les acciones de La Luisiana o, nel so día, los futuros de los tulipanes.
O quiciabis nun sea satamente una pómpara financiera, sinón, más bien, una pómpara de xabón(como dalgún ilustre preboste asturianu).
O sea, que seguramente lo meyor con Obama nun sea especular col devenir futuru del so preciu de mercáu, sinón actuar con una compra-venta rápida, comprándolu (como reza la facecia sobre los de Bilbao) polo que val realmente y vendiéndolu d`esmenu polo que diz que val. Hai tanto embabucáu con él que, poniéndolu en ramu y ofreciéndolu na puya, de xuru que les ganancies son "evanxéliques", del cientu por ún.
1 comentario:
quiciabes nun venga a la to entrada (de fechu nun vien)... pero por mor de les feches ¿nun te paez fatu que dellos, que dicen ser "nacionaliegos", cellebren Ochobre 34 como si foi daqué bono pal nuesu país?
Solo foi muerte y represión, y destrucción de la nuesa identidá (y posibilidá d'autogobiernu) como pueblu.
Si ficieres una entradina alrodiu d'ochobre 34 taría perbien. Ye nidiu que tamos énte un fechu de la nuesa hestoria, pero somorguiada a una causa y país que nun yeren de nós.
Espero que te preste'l videu:
http://www.youtube.com/watch?v=tBfdIrWSwCU
http://www.youtube.com/watch?v=Hph4PbWuxDU
Publicar un comentario