Al mou asturianu: vamos despedir a don Sabino upando la montera pa saludar la so persona y memoria.
En primer llugar y sobre too, más que por lo que fizo o dexo de facer, porque yera un paisanu. Si ye que soi pa sintetizalo:
1) Porque yera persona de dereches y siguió siéndolo y manifestándolo, ensin caer na combayonería nin la cobardía qu'aparraren a muncha xente de dereches cola llegada la democracia
2) Porque teniendo participao na Guerra Civil nun bandu, siempre pensó que tuvo nel bandu xustu.
3) Porque, pensándolo, talantó tamién que la guerra acabara n'abril del 39, y que nun había ninguna razón pa llevar les sos consecuencies nin los sos odios más allá.
4) Porque supo guardar silenciu en munches coses y llevase sigu los secretos, ensin dexase tentar pa que contase lo que nun quería o nun debía contar. Ello, sobremanera, resulta más exemplar nesti país de chisgarabís, onde tanta xente cuerre qu'esñala a buscar los micrófonos si los micrófonos nun los busquen a ellos. Y ún piensa qu'esti país diría munchu meyor si la mayoría la xente supiese callar dafechu y non bilordiar, como fexo don Sabino.
Valan estes llinies pa, de pasu, da-yos a María Teresa y al restu la familia les nuestres condolencies, que, sélo, son los de munchísimos.
9 comentarios:
Pues paezme, Xuan, que nun supo callar dalguna cosina. Estrañame muncho qu'escaecieras les declaraciones que fixo a la escontra de la llingua asturiana, diciendo que taba bien namás que pa falala na intimidá familiar y que además yera un peligru pa la unidá d'España. Que non porque morriera hai que sólu afalagalu. Polo demás, razón nun te falta nel restu la entrada.
Lo que calló la boca ye cosa que sabe tol mundu, como ésti yera católicu nun soportaba que'l Xuan Carlos tuviera una novia en cada barriu de Madrid. Y la Sofía, claro, ye una profesional que traga y traga, non como la Lady Di que por tener más dignidá pidió'l divorciu. Coses de la realidá real de la realeza. Por eso marchó ésti de la Zarzuela y por eso la derechona católica y filofascista adora a esti Sabinu I rei pola gracia católica de dios, y el Xuancar quedó col culu al aire viendo a los sos amigos de la Expo y de Banesto nel trullu por delincuentes. ¿Y qué foi del yate? ¿y de los testaferros del Borbón? Lo que'l conde escuende pronto toos lo sabrán.
Sabinón nunca s'arrepintió de ser facha, y el so catolicismu yera tan integrista que nun soportaba les continues infidelidaes y escapaes sexuales de Xuan Carlos. Los escándalos financieros de los testaferros del rei, bastantes d'ellos na cárcele por chorizos, supongo que tampoco-y gustaríen ,yá que'l rei claro tien inmunidá penal pero los Sabinos, funcionarios o siervos non y por un dame 'paca esti yate y estos milloninos negros podíen dir toos p'Alcalá Meco, colos etarres. Non, Sabinón, callaba y callaba, prundencia dicen agora a lo que ye callar la boca como un afogáu. Y Doña Sofía, claro, mártir aguantando les escapaes sexuales del maríu, sofitando tol engañu porque si pide'l divorciu, acábase la monarquía igual que s'acabó Álvarez Cascos, por un quítame allá esi matrimoniu. Sabinón, un monumentu a saber disparar a matar rojos dende'l cuartel de Santa Clara d'Uvieu y un monumentu a la boca tapada, ver, oyer y callar, eso sí.... cobrando la buena pasta gansa. Espero que la vilda dalgún día cuente coses y que s'acabe d'una vez esti estáu d'engañu permanente que ye la monarquía, los sos yates, los sos testaferros y los sos millones en nun se sabe ónde. Cayo Lara.... investiga, qu'esta ye la vía pa la República, non pone-y velines a Santa Claus.
Toda la vida se supo que las únicas irreverencias sobre las tumbas eran las cagadas de las palomas, ahora ya sabemos que tambien cagan los buitres, claro estos volitivamente.
Nun pueo tar más d'alcuerdu colo que diz nel post. Magar que nun compartiera la so visión de munches coses, paezme que nun se-y pue negar a esti home una altura no que ye la cosa pública que ye mui difícil d'atopar. Lo que dixo del asturianu nun foi más qu'otra preba de coherencia porque, si nun recuerdo mal, lo que yera un peligru pa la unidá d'España nun yera l'asturianu, yera (dende'l so puntu de vista) l'ensiñu obligatoriu del asturianu, del catalán, del vascu, del gallegu... lo que se diz un discursu cohorente, vamos. Yo, dende lluéu, nun me lu imaxiné nunca dando la cara pola oficialidá.
Qu'entrugan en Llatores quien yera y lo que fixo n'acabando la guerra
Lo que fizo en Llatores y n'Uviéu sábelo tol mundu, por eso la ultraderecha lu adora, entró pegando tiros. Un pacifista vamos. A ésti como a toos ellos llibrólos la llei d'amnistía, eso que llamen la "transición del escaezu".
Bien que sacaba pecho el fusilador de Paracuellos, ese es el único que sacó tajada del pacto, mira que fusilarlos por que no habia camiones para llevarlos a Valencia, manda huevos con ese asesino bajo indulto constituyente.
Hai un refrán mui sabiu que diz "anque'l beatu de vista de santu cola polla se queda", y otru inda más sabiu que diz "anque'l fascista se vista de demócrata, fascista que yera". Yo polo único que me quitaría'l sombreru por esti señor ye porque tuvo'l detalle d'esperar a que morriera la so ex-muyer divorciada pa casase cola querida Parker de tola so vida, el mui catócrita.
Publicar un comentario