[BAD09] Propaganda y mentires (cambiu climáticu y PSOE)

El gran negociu de los partidos mayoritarios ye poder decir, al mesmu tiempu, una cosa y la contraria o, dicho d'otru mou y manera, poder engañar a los sos votantes ensin que s'enteren. Anque la verdá de verdá nun ye qu'engañen a naide, sinón que tienen públicos distintos qu'escuchen sólo lo que-yos interesa a ellos y que nun saben nin quieren saber nada de lo que nun sea la so pequeña corripia. Un exemplín, a propósitu del discursu del "cambiu climáticu" (sólo titulares).


  • "El PSOE tien como un oxetivu piqueru de la so acción política la llucha contra'l cambiu climáticu"
  • "El PSOE va a proponer una Llei d'economía sostenible, que tien ente los sos oxetivos la llucha contra'l cambiu climáticu".
  • Zapatero na ONU: "El cambiu climáticu va ser un desastre económicu munchu mayor que l'actual crisis".
  • Páxines d'economía (dellos díes): "El gobierno busca una solución para incentivar la quema de carbón" (por ciertu, diz que nun sabe si ello va repercutir na tarifa llétrica).
¿Vaya cara? Non ¡Vaya primos que tien como votantes! O vaya boca y qué gargüelu tienen, que tán dispuestos a encloyar ruedes de molín, cola armazón de madera na que vienen envueltes pal tresporte.

No hay comentarios: