No que va d'añu El Musel tien la mayor perda de tráficos d'ente los diez primeros puertos españoles. Toos pierden, pero'l que ta más cerca -Barcelona- pierde un 21,55 %, frente a El Musel, que pierde un 33,62%. Basta agostu d'esti añu, El Musel perdía 4,6 millones de tonelaes al respective del 2008, en comparanza, más de la media estatal.El problema yá nun son los sobrecostos d'El Musel (¡que menudu pilancu!), nin el futuru del puertu (l'ampliación féxose coles cuentes de que los tráficos diben crecer non sé cuántu), sinón que muestra a les clares cuálu ye l'estáu de la economía d'Asturies, la salú de la so sociedá y la vitalidá del so empleú.
Y, una vegada más, el fracasu de les polítiques de PSOE, UXT, IU y CCOO -el bloque social dominante nel poder, na cadarma social y nel discursu-, pesie a los miles de millones que tienen llegao d'España y d'Europa nestos tres últimos llustros.Porque, si-yos suponemos bona voluntá (que ye munchu suponer) y si suponemos que nun sólo miren pol so negociu (ampliu na potencia económica y nel númeru beneficiaos) y que traten de facer les coses bien, entós la conclusión ye que nun valen nin pa tomar... vientu.
No hay comentarios:
Publicar un comentario