¡Bien por Rosa Fernández!

La montañera asturiana Rosa Fernández anunció ayerque'l prósimu llunes va entamar n'Uviéu'l Camín de Santiagu en bicicleta col porgüeyu de llanzar un mensaxe d'"ánimo, fuerza y esperanza" a tolos que carecen del cáncer.

Rosa Fernández, que l'iviernu pasáu tuvo lluchando contra esta enfermedá, diz qu'esti "no es un reto deportivo, ni una competición", sinón que tien una"motivación extra".

La montañera asturiana va llucir un maillot col lema "Pedaleamos por la lucha contra el cáncer", y llanza un mensaxe d'apoyu a tolos que carecen d'esa enfermedá.

La deportista, xunto a seis persones más, va entamar el llunes a les 8,30,dende la Catedral d'El Salvador, pel camín Astur que, nel entamu d'esa pelegrinación, fexo'l rei Alfonso II el Castu.

¡Bien por Rosa Fernández!
¡Perbién!