L'anxélica (Angelica archangelica L., llamada tamién Archangelica officinalis) ye una planta bayurosa en praos y orielles de caleyes y carreteres, que pertenez a les umbelíferes. Ta agora en plenu espoxigue. Hailes de color blancu nes umbeles, verde y de color berenxena.
Emplégase como melicinal, pa munches coses, ente otres, pa los nervios, especialmente los de l'estómadu. Tamién como carminativu (esto ye, pa char fuera los gases estomacales), contra la tuse, p'afalar la secreción de la bilis y la eliminación d'agua. Tamién diz que ye bona pa les intosicaciones alcohóliques y con nicotina, asina como pal rema y la gota. Tómase como xarabe, pero emplégase tamién pa preparar baños, especialmente pal rema y les alteraciones metabóliques.
La semeya ta fecha'l 16/08/10.
No hay comentarios:
Publicar un comentario