La voluntá de Rajoy d'amparar les corrides de toros declarándoles un bien d'interés cultural paezme un despropósitu.Ye verdá que na decisión del Parlament hai un daqué de voluntá de marca identitaria, que va más allá de la pura defensa los animales. Ye verdá tamién qu'hai munchu d'hipocresía en tolerando al tiempu otres formes de violencia contra los animales, como los correbous y otres. Pero, en cualquier casu, la pretensión del PP nun ye más qu'un espatuxu ensin xacíu. En primer llugar, porque sería invadir les competencies de les comunidaes autónomes; en segundu llugar, y lo más importante, porque los toros nun son, nin pa tolos ciudadanos, nin pa toles comunidaes, "un fiensu d'identidá nacional", nin siquier un entretenimientu medianamente seguíu.
Pero, finalmente, y dende'l puntu de vista del propiu interés del PP, camiento qu'a munchos de los sos votantes la propuesta de convertir los toros nuna especie d'esencia patria amparada pola llei paecera-yos una pura folklorada.D'esi mou, si folklore patrióticu lo d'unos, más folklore patrióticu lo d'otros. Esto ye, casticismu identitariu fechu pasar por modernidá, nun casu, y por defensa de la llibertá n'otru.
3 comentarios:
Un movimientu como la xuntanza podría valtar los toros n'Asturies, que namái tienen "la feia de Begoña" en Xixón.
Lo de los toros ye unu d'esos asuntos emocionales y unos y otros tan xugando con ello.
Pienso que el PP ta faciendo demagoxa con esti asuntu pero les palabres de Puigcercos " Una sociedad democrática avanza cuando prohíbe" si que me dan pura perceguera y describen el espiritu autoritariu que anima a los promotores de la prohibicion. A mi que me prohiban lo menos posible de lo mio ya me ocupo munches gracies.
Nos estaos de drechu, que respeten les llibertaes individuales, nun debe ser la tarea de les administraciones publiques imponer pola fuercia de la llei un determinau modelu eticu y esteticu a la ciudadania, esto ye propio de reximenes totalitarios que se emprenhen en facer al "home nuevu", siempre a la fuercia claro.
Lo mas facil, lo mas respetusos coles llibertaes individuales, y lo mas barato (una consideracion importante) diba ser simplemente dexar de subvencionar los toros (directa o indirectamente), que decida el publicu, si hay bastante xente comu y-pague la pena a un empresariu que sigan celebrandose les feries n'Asturies que sigan celebrandose y si non entos non digo mas ,,, saco la mi bola de cristal y atrevome a apostar que ensin dineru publicu la Feria de Begonha del 2010 diba ser la ultima que se celebrare nunca enxamas en Xixon ...
saludos
D'alcuerdu al 100%, ayalgueru. Sólo un "más" (non un pero): los toros nun merecen un "castigu" especial. Súmense a ello toles folixes, como'l fútbol.
Un abrazu.
Publicar un comentario