L'anxélica (Angelica archangelica L., llamada tamién Archangelica officinalis) ye una planta bayurosa en praos y orielles de caleyes y carreteres, que pertenez a les umbelíferes. Ta agora en plenu espoxigue. Hailes de color blancu nes umbeles, verde y de color berenxena. Puede algamar hasta los 2 metros d'altor. El tallu ye güecu, ranuráu y, con frecuencia, de color púrpura o berenxena na parte superior. Les fueyes, con grandes bráctees, son llises, de color verdiazul nel envés y pinnaes 1 ó 3 vegaes. Les pequeñes flores (blanques, verdorses y, con muncha frecuencia, de color berenxena) acuéyense n'umbles dobles (semiesfériques) de 20 a 40 radios.
Emplégase como melicinal, pa delles coses, ente otres, pa los nervios, especialmente los de l'estómadu.
La semeya ta fecha'l 15/08/10. Esti ye un magníficu exemplar.
No hay comentarios:
Publicar un comentario