Parez ser qu'un de los artífices de los "magníficos" actos que nos esperen pal día de la Nación Asturiana, ye Jose Luis Moreno (el famosu ventrílocuo).Casualmente les empreses de José Luis Moreno además de dicha gala, van facese cargo d'una parte importante de les actuaciones nel teatru de la Laboral.
Esto llévanos a recordar que'l pasáu febreru los periodistes descubrieren casualmente'l coche de J.L.Moreno mal aparcáu frente al Palaciu de Presidencia, con el promotor aconceyáu en secretu con Areces. Presidencia evitó dar esplicaciones sobre los motivos de la visita de Moreno a la so sede de la cai Suárez de la Riva d'Uviéu, y declaró que la reunión foi «estríctamente privada», y dende l'entramáu empresarial del Señor Moreno nin siquiera «confirmaron» dicha visita.
Per otru llau, doña Isabel Pantoja tuvo o ta en relación con don Julián Muñoz, ex-alcalde de Marbella, sitiu de fama pa turistes importantes, como Michelle Obama, anque quiciabis de nun tanto glamour como Mallorca, onde mandó'l ex-presidente de la comunidá de Balears, Jaume Matas, que tien dellos procesos en marcha como imputáu/acusáu/investigáu por corrupción, nun de los cuales, casualmente, ta enxareyáu don José Luis Moreno, al qu'acusa'l fiscal de tener apurrío 250.000 € p'algamar contratos na televisión autonómica d'aquella comunidá.
¡Esto sí que son los conxunciones planetaries, que decía doña Leire Pajín, la madre de la cuala, Maite Iraola, por ciertu, ocupa plaza nefelibática en Benidorm, otru bon sitiu!
No hay comentarios:
Publicar un comentario