PSOE = más impuestos

[José Blanco y Javier Fernández n'Uviéu en semeya de Miki López pa La Nueva España]

El ministru de Fomentu y «númberu dos» del PSOE, José Blanco, faló esti fin de selmana d'una nueva subida d'impuestos porque n'España son «muy baxos» y -según el PSOE- ye necesariu «homologalos» cola media de la Unión Europea (UE) pa tener «servicios y infraestructures de primera».

A parte de les consideraciones básiques qu'escaez el señor ministru (homologar salarios, por exemplu), dase la casualidá qu'un informe de l'Axencia Tributaria (fueya 26 d'esti documentu) demuestra que l'IRPF devengáu por persona y añu pasó de 1.901 euros en 2004 a los 2.322 euros de 2008. Esto ye, medró un 22% en 4 años.

Y son los sos datos (Axencia Tributaria):



Y enfáticamente José Blanco dixo: «La pregunta que siempre se tienen que hacer los ciudadanos es que si queremos unos servicios públicos de primera o unas infraestructuras de primera, tendremos que tener también impuestos homologables a los de los países europeos»

Esto tien muchos matices, por exemplu l'Eurostat –l'axencia d'estadístiques de la UE- asoleya anualmente un informe entituláu Taxation Trends in the European Union (Tendencies fiscales en la Unión Europea) nel que mirando l'IRPF pon de relieve que'l tipu másimo européu en 2010 ye'l 42,4%, frente al 43% d'España. Si la comparación ye cola UE a 27, la distancia ye tovía mayor. Incluyendo los nuevos estaos miembros, el tipo marxinal másimu del IRPF sitúase nel 37,5%, ye dicir 5,5 puntos menos qu'España.

Incluso l'índiz Frank de 2008, que vien a medir l'esfuerzu fiscal de los ciudadanos (presión fiscal por renta per cápita) coloca a los ciudadanos del estáu español ente los mas sacrificaos tributáriamente:


Hasta'l propiu sindicatu de técnicos del Ministeriu d'Economía y Facienda (Gestha), esplica estos díes que los trabayadores españoles soportan más impuestos que la media de la Unión Europea. Llegando a cifrar la presión fiscal sobre'l salariu mediu hasta'l 50% si se considerasen los impuestos al consumo (IVA y Impuestos Especiales), y añadios los pagos medios de los impuestos sobre sucesiones o donaciones, transmisiones patrimoniales, actos xurídicos documentaos, impuestos municipales, tases...

Pa más detalles y matices pueden echai una güeyada a lo que diz "El Economista" del 16/08/2010 o Beatriz Amigot en Expansión del 17/08/2010 o lo que diz Carlos Sánchez en Cotizalia ,el 17/08/2010.