La Fundación Nueva Asturies acaba d'editar «Dende a llareira con señardá. Cocina de Bual y del occidente asturianu», del que ye autora María Teresa López García. De María Teresa López García editó la fundación «Vocabulariu de Bual y algúa cousa más» y tien otru llibru asoleyáu dedicáu a la etnografía y les costumes tradicionales del conceyu.
Mañana, xueves, 12 de payares, va facese la presentación del mesmu, en Xixón, na Escuela d'Hostelería (Paséu de Begoña, 30), a les 8 la tarde. La presentación de l'autora y del llibru van correr por cuenta de José Antonio Fidalgo Alonso, profesor, escritor y críticu na materia coquinaria.
Al actu tán invitaes cuantes persones-yos preste dir y a caún de los asistentes va entregáse-yos gratuitamente un exemplar de la obra (hasta fin d'esistencies).
No hay comentarios:
Publicar un comentario