La Vanguardia titula: “Guerra de nervios por la indecisión del Constitucional sobre el Estatut”. Y Saura sal a esprecetar y metese col tribunal, y sal Carod, y tamién Montilla. Y Zapatero, agora, afirma: “Las sentencias hay que respetarlas, respetaremos la sentencia del Constitucional”.
Estes son les consecuencies de la política d'un partíu d'irresponsables, el PSOE, y d'un de los tipos más destructivos de la política española, Zapatero.
¿Fai falta recordar que nesti enguedeyu metiónos el PSOE? ¿Fai falta recordar que Zapatero afaló un estatutu inconstitucional? ¿Ye necesario alcordase de que, cuando nun yeren pa llevalu alantre, pactolu nuna nueche d'amor na Moncloa con Artur Mas? ¿Nun nos alcordamos que dempués, nes Cortes, una gran parte del PSOE, con Alfonso Guerra a la cabeza –presidente de la Comisión Constitucional-, esprecetaba diciendo que l'Estatut yera inconstitucional y que, con tou y con ello, aprobárenlu? 
¿Vamos recordar que l'Estatut y el procesu subsiguiente de modificación de la Llei de Financiación de les comunidaes daña a Asturies? ¿Y que tou esi procesu signólu, apoyólu, afalólu, votólu y aplaudiólu el PSOE asturianu, con destacaes aponderances de Javier Fernández y de Vicente Alberto Areces? Vamos recordalo.
Porque, como diximos dalgunos dende'l principiu, l'Estatut ye inconstitucional y dañible.
Yelo tanto que'l Constitucional, dempués de tres años, nun sabe cómo pone-y cara al asuntu pa facer el menor dañu posible al PSOE y toa esa tropiella d'irresponsables y vuelatrenes. Nin siquier s'atreven a defendelu no que ye la cañamina del mesmu tolos maxistraos del Constitucional puestos ellí pol PSOE. Y na totalidá, ningún.
Asina que… ¿a esperar? Sí, pero, sobre too, y sea cuala sea la sentencia, a pedi-yos cuentes. A los d'ellí, y, sobre too, a los d'equí, que ye lo que nos toca y, que, pa enriba, somos los más perxudicaos.
4 comentarios:
nun sabe cómo pone-y cara al asuntu pa facer el menor dañu posible al PSOE y toa esa tropiella d'irresponsables y vuelatrenes.
¿A que vuelatrenes se refiere usted?
Creo que se pasa usted siete pueblos. Looo mas gracioso es que en eríooo donde quiere pescar usted no va a pescar ni un "pexe" para los del PP usted es un nacionalista radical y peligroso bablista , aunque sea usted tan incoherente que es capaz de criticar a catalanes o vascos por pedir para suautonomíasas lo que ustedesearíaia para Asturias.
Si tiene información de algún vuelatrenes pues ya sabe que tiene que ir al juzgado.
Tiene usted una obsesión enfermiza con el PSOE debe ser porque milito en el y ocupo cargos .
Estimáu Xuan Xosé, nun caiga usté tamién nel discursu victimista, nel eternu alderique astur de como siguir zucando a lo xole del tetu. Gastamos munches fuerces discurriendo, pero pa siguir sovencionaos, en vede tar buscando la manera de sacanos a nos mesmos d´esta crisis que p´Asturies ya dura unos cuantos años. Lo que pasa en Cataluña y la repercusión que tien eso n´Asturies ye claru enxemplu de lo que digo. Unos tomando decisiones valientes (pue ser que correctes o incorrectes), mirando p´alantre, y otros lloramiquiando como nenos porque nun-yos caerá un peazu de pastel tan grande como l´añu pasáu...Pue ser que nun pensemos igual, al pertenecer a dos xeneraciones d´asturianistes distintes, pero abultame un migayín alloriante tener postures tan estremaes. A mi lo unico preocupante del asuntu ye que si a la fin el TC echa p´atras l´Estatut catalán esfronaríase escontra un Estáu que pon los sos intereses per enriba de la voluntá de la xente. L´Estatut aprobose na Generalitat, diose-y al pueblu catalán la oportunidá d´opinar (esquivando esa llei española que diz que nel so territoriu nun se pue nin falar de referendos) y hebo sofitu abondo por parte del pueblu catalán como pa echar el proyectu a andar. ¿Les consecuencies que tenga eso p´Asturies? bien poco m´interesa. Ellos decidieron, nos, unos pininos a siguir buscando la manera de topar migayes pel suelu....La llectura ye ¿Cómo nos sacamos a nos mesmos de la crisis?¿Como nos autoabastecemos?¿Como dexaremos de depender de lo que faigan o dexen de facer los demas?¿Como facer que les decisiones que se tomen n´Asturies tengan repercusión notros llaos?Eso sería sintoma de qu´Asturies tien un poquiñín de pesu....
Un saludu, y sonará a tópicu radiofónicu, pero norabona pol to blog. Anque nun coincidamos la bona parte de les veces lleolu davezu.
Indalecio
Nun soi quien a conteneme.
Mira yo nun teno na que vez col amu d`esti blogue. Nin siquiera se si Xuan tien zuna enferma col psoe.
Pero Indalecio.... Yo si amigu.
YO NUN PUEDO NIN VER AL PSOE.
Dempues de sufrir milenta esprecios d`esta xente al asturianu y a asturies ( polo tanto a mi tambien ) nun contaras con que vos vote non?
Non amigu, y digote mas si dalguna forma tengo de perxudicar al Psoe nun la dexo pasar.¿valte?
Yo ya nun soi de nengun partiu, soi namas dafechamente contrariu al Psoe. Por que me da noxu, porque me da vergoña, porque me da grima ver lo inútiles que son pa unes coses y lo curiosos que son pa llenar asturies de chiringuitos.
En que chiringuitu tas Inda?
MUnchos tán nel chiringuitu RTPA.
Publicar un comentario