Colos impuestos qu'usté paga, usté, por exemplu, muyerina d'ochenta años que tien una pensión de 600 euros o de 700 y pasen-y un IBI de más de 200, con esos impuestos qué faen el PSOE y IU, ¿qué fain la simpática alcaldesa, doña Paz Fernández Felgueroso y el so palafreneru (nada probe tampoco, por cierto, como ella) Jesús Montes Estrada, Churruca? Y colos suyos, quiosqueru, que tien qu'abrir a les seis de la mañana pa recoyer la prensa y que tien que cerrar hacia les nueve o les diez de la nueche (los descansos dán-ylos la so muyer o los sos fíos, si pueden) y tar al pie del cañón los sábados y domingos, ¿qué fai'l gobiernu d'izquierdes, el gobiernu progresista, el gobiernu de los trabayadores y de los que menos tienen?
Pues qué va facer, da-y parte d'ellos a los cubanos y a otros rexímenes dictatoriales o paradictatoriales del mundu, pa que vengan equí de paséu, pa dir ellos a pasease ellí, pa que compren condones los cubanos o les cubanes, pa que fagan llibros de propaganda de Fidel Castro, etc.Ehí va'l so trabayu, la so angustia, el so sudor y los sos escasos euros, paisanina con una pensionuca, trabayador con un salariu escasu, autónomu que les pasa torniaes pa pagar los impuestos.
La prósima vegada nun taría mal, si ye'l casu, que lo pensase meyor a la hora votar. Pída-yos menos palabres y más fechos; menos engaños y más compromisu pa colos sos votantes y pa col so pueblu.
Pa que lo vea con más detalle, pinche equí embaxu:
Reportaxe d'INTERVIU
Reportaxe d'INTERVIUQue, como solidaridá colos paraos de la ciudá que tien más paru de toa Asturies, nun ta mal del tou.
3 comentarios:
¿Qué quies Xuan?, Non m´esmolez lo que denúncies porque ye una "Verdá" tan grande como "El Molinón" Lo qu´esmolezme enforma so toos aquellos que "sofiten" a estos FACISTES ol envis de critica´l PAS col apedillamientu de "Nacionaliegos d´isquierda"; nun hai más que remembrar L´AXUSTICIAMIENTU al PAS; chandolu fuera´l Pautu pola Oficialidá y l´autogobiertnu ( gra trabayu del PCE-IU) a cargu de Sixto Arman y l´Academicu Glez Riaño y col "SOFITU y ENFOTU" de los nomaos Nacionaliegos - Xunta Pola.., Garrapiellu, BIA, IAS,etc.
Dempués d´esi 2trabayu" algamau cola perdida de REPRESENTACIÓN na Xunta viste a estos "lluchadores" por Asturies ximielgase contra IU?
Un de les TORGUES pal espoxigue del "Asturianismu" YE´L QUINTACOLUMNISMU col que vien arrecostinando LÁsturianismu ;Fai alcordanza del CNA, asoleyau polos 2trosquistes del CAR col envis de trabayar (amás de baldre) pa ETA-PM ;alcordaivos lo del Bancu Herrero; los 150 Millones pa los Vascos, la carcel y l´esaniciu pa los Asturianos.
La torga Xuan ye que "ASTURIANISTES" non sois más qu´una DOCENA, y ties que brengar contra to l´Españolismu ( PP, PSOE, IU, UPD, BIA, UNA, etc...y por esu ties qu´arrecostinar con "INDALECIOS, TINIS, JAVIERES, OVIDIOS, ROSAS DIAZ..etc que "TREMEN" quún "ciudadanu pequeñin como Tu non se Rinda y NON se CALLE.
P.S. a NEGRIN ponein "Parque´n Xixón, a D.Isidro del Rio que-i dean!
Nun puedo tar más d'alcuerdu contigo, Xuan. Toi en contra del conocíu como "bloquéu" a Cuba, porque namás beneficia a Fidel y los de so, dando una imaxe falsa de "cercu" sobre Cuba, cuando empreses ya instituciones de países a esgaya invierten una montonera millones en Cuba (nun hai más que ver la cantidá de negocios d'España nesti país)
Tampoco nun toi en contra de les ayudes a Cuba, pero caro, con contrapartíes polítiques, nel sen de que Cuba empobina p'hacia la democracia. Lo que pasa ye que Churruca y compañía lo que quieren ye sofitar el caltenimientu d'una dictadura comunista "como dios (o Lenin, Stalin, Marx...) manda"
nun artículu qu'espublicé va años yá comentaba daqué asemeyao:
"La solidaridá cola que se-yos enllena la boca de contino, desapaez en cuantes que-yos dan un mojito nuna playa d’arena blanco. ¿Cómo falaríen de Castro si fuera un dictador de dreches (si ye que nesto de les dictadures hai izquierdes y dreches, yo veolos a toos iguales)?. Visitar Cuba y callar ye ser cómpliz de munches muertes causaes pola represión y de la situación d’una población que vive preso nel so propiu país.
L’Ayuntamientu de Xixón unvia autobuses yá retiraos de la circulación a Cuba cada añu, ye una amuesa de solidaridá. Pero esta y otres munches ayudes que se dan, tienen de trayer unes contraprestaciones en forma d’aperturismu y llibertá. Les asociaciones de GBLT y tola sociedá debe facer que seya asina. Les visites a esos países tienen que ser crítiques. Que nun escazan los nuesos representantes, que cuando van fuera (representándonos, valga la redundancia), tamién representen a un sistema democráticu que de nenguna manera pue ayudar al caltenimientu de sistemes que nun respeten los drechos humanos."
http://opinion.asturnews.com/?p=35
Norabona por dicir, como siempres, verdaes que munchos tapecen.
ESTI ye un bon sitiu pa recordar el blog que nos recomendo Xuan Xose fai unos dies:
http://www.desdecuba.com/generaciony/?p=2468
Publicar un comentario