Homes y muyeres adoraben al guapu, al perfectu Narciso, pero él rechazábalos a toos. La ninfa Eco, que por disgustar a Hera taba condenada a repetir les caberes palabres que-y dirixeren, enamoróse tamién d'él. Un día Narciso sintió'l roíu d'ella, que taba escondida nel bosque, y entrugó: "¿Hai daquién equí?" y ella arrespondió: "equí, equí". Como Narciso nun la veía mandóla salir. Ella, entós, salió y confesó-y el so amor. Él, como a toes, desprecióla, y entós ella, dolida, gurdóse nuna cueva hasta consumise, de mou y manera que d'ella nun quedó otro que la voz (l'ecu).
Némesis, la diosa la venganza, fizo que Narciso s'enamorara de sí mesmu al espeyase nuna fonte. Y ellí quedó, incapaz d'abrazase, hasta que se tiró a lo fondero la fonte. Ellí, na so memoria, desurdió una flor, el narcisu.
No hay comentarios:
Publicar un comentario