Gocheríu

Les Mestes. Xixón Tienen más de tres millones d'Euros pa escarabicar nel ríu Piles y emparamentar la entrada de coches más de seis meses y nun tiene unos euros p'adecentar esti gocheríu, que lleva asina más de venti años. Y a Les Mestes y la so pista deportiva, además de dir los xixoneses vien xente de fuera cuando hai campeonatos. Nun tienen pudor (nin olfatu).

Gocheríu

Día 1 de payares, 10 de la mañana. Parque Los Pericones, Xixón. En delles zones del parque acumúlense botelles de plásticu de dos llitros y les bolses onde se transportaren a ellí. Al pie d'un árbol cuento 25.

Son, ensin dulda, restos del Gochuween que tuvieren celebrando ayer.

La semeya que pongo ye la del Gochuween más espectacular: enriba la mesa atrópense cascos y bolses, a la manzorga, nel prau más cascos y bolses. A la derecha, a menos de siete metros (vese asomar el focicu a la parte derecha de la semeya), una papelera vacia.

Y agora unes preguntes sobre estos gochos. ¿Qué edá tendríen? ¿Trenta? ¿Menos de trenta? ¿Son parte de la xuventú más preparada qu'inxamás tuviemos?

A la derecha, la solombra la papelera, y el so borde superior, azul.

¿Cuántes vegaes na escuela recebiríen enseñances sobre la protección del mediu ambiente? ¿Cuántes faríen redacciones o pintaríen carteles escontra les nucleares o a favor de les ballenes? 

¿Cuántos d'ellos presumirán de defender el mediu ambiente? ¿Cuántos se quexarán de que los políticos nun faen nada pol mediu ambiente?

¿Cuántos d'ellos votarán? Si lo faen, ¿a quién piensen que lo faen?

De lo que nun me cabe dulda ye de que son toos conscientes de los sos derechos y que pasen tol día riquiendo por ellos.