Nun tamos fechos pal silenciu

- La cámara anecoica -

Y los españoles menos. Por eso falamos y gritamos tanto nos chigres y tienen tantu ésitu les tertulies y los programes de faladuríes y bilordios, digamos, la "estética y ética" Tele 5.

La preba: los llaboratorios Ordfield, de Minnesota, aniciaren una cámara que suerbe'l 99'99% del roídu. Les persones nun pueden tar ellí munchu tiempu: la que más aguantó fue 45 minutos: el silenciu prevoca una tensión tala nel cerebru humanu que se desorienta y puede llegar a la llocura.

Lo dicho, tamos fechos más pa Tele 5 que pa la 2; más pa la Flor de Grao que pa la Trapa o Silos.

- Claustru del monasteriu de Silos -

En defensa d'unos vecinos y n'estrañeza del orden

Dende fai años, los vecinos de la Fundación Revillagigedo, nel más antigu barriu de Xixón, el Natahoyo, vienen padeciendo les ufienses del públicu d'una discoteca allugada na zona, nun baxu d'unes viviendes, nuna zona de viviendes.

Pelees, vomiteres, ocupación de portales, navayaes, roídu hasta les doce la mañan del día siguiente, mexaes, amenaces a los vecinos y transeuntes, etc.

Tol mundu lo sabe (policía, Ayuntamientu, Delegación del Gobiernu) pero naide fai nada. La cabera, un atropellu afaláu por una engarradiella ente rapazacos. Ehí tienen l'arreyu, por si quieren velo.

• El acusado del atropello frente a una discoteca pasará a disposición judicial este martes (La Nueva España del 21/05/2012)

Hai que volver repetilo: EL PRIMERU DE TOLES DERECHOS NUN YE'L DE LOS RAPAZACOS (O QUIEN SEA) A DIVERTISE (O A DROGASE O A AMOÑASE, LO QUE SEA). EL PRIMER DERECHU YE'L DERECHU A LA PAZ, A LA TRANQUILIDÁ Y AL REPOSU, LO QU'ENCLOYA'L DERECHU AL SUEÑU.

¡YÁ TA BIEN!