A min, qué quieren que-yos diga, la semeya de Soraya enseñando los xinoyos paezme espantible. Pero non porque enseñe les canielles y los xinoyos o porque lleve un vestíu de pocu aquel. Paezme espantible polo mesmo que yeren espantibles les voguibles del gobiernu zapateril o polo mesmo que lo yera la semeya de Severino García Vigón con un balón nel so despachu: porque demuestren cuántu puxu tien la prensa (los medios), qué poco valemos toos.Facemos lo que nos pidan los medios, y ello por tres razones: porque'l que nun sal nos medios nun ye; porque'l que se ñega a salir como ellos digan tien mieu de quedar como roceanu, antipáticu, rabudu, escontraforgosu o poco progre; porque tien mieu, nel fondu, a enfadase colos que manden, colos que tienen el papel, el vídeo o el fotograma pol mangu.
Eso ye polo que me paez espantible: demuestra, como otres munches, quién manda, y, sobre too, que, pa quedar bien col que manda y salir, facemos lo que sea: dende'l ridículu al fatín.
Y si la rocea va per dientru, sonreímos.
1 comentario:
Me gusta que sigas siendo consecuente con tus principios y te sigan gustando más las mulas que les muyeres mi disenso contigo es mi mejor confirmación de acierto.
Publicar un comentario