Podíamos falar de les predicciones del Gobiernu sobre l`empléu: "a partir de marzu vamos crear empléu", "inxamás vamos llegar a los cuatro millones de paraos", "lo peor de la crisis yá pasó". Podíamos facelo pero, ¿pa qué? Vamos falar güei d`otra cosa, les babayaes permanentes de los miembros del Gobiernu, los rutiazos que pasen como palabres humanes y hasta como pensamientu.
Esti día tuvo n`Asturies el ministru de Trabayu e Inmigración, don Celestino Corbacho. Con esi motivu desplegó la inmensa panoplia del so pensamientu (non mui distintu al de don José Luis Rodríguez y otros fenómenos que conformen en bloque hexemónicu español), que vamos ver con detalles otros díes.
Güei sólo una perla: "Para crear más puestos de trabajo y salir de la crisis hay que activar el consumo, no abaratar el despido". ¿Y cómo s`afala`l consumu si la xente queda en paru y tien menos perres o ninguna? ¿Y cómo se fai que la xente que tien sueldos y empléu pierda`l mieu y gaste ensin duelgu?
Lo dicho, la flor de los bobos.
Seguiremos.
No hay comentarios:
Publicar un comentario