Más alcuentros

Más alcuentros (15/01/2025) Paro nun chigre na Puerta la Villa, en Xixón, a tomar un agua.. Dende una mesa: "¿Usté nun fue profesor en Roces? Nun me dio clase, pero yo coincidí con vusté cuando yera profesor""". "Encantáu", acércome y chocamos les cinco. Al colar, taba acompañáu, volvemos saludanos con ciertu ciñu. Y, nel mesmu sitiu, dende la barra: "¿Usté nun dio clase na Llaboral?" Acércome: "Efectivamente". Chocamos les cinco. Más tarde: "¿Usté nun xugaba a xoquéi d'aquella?". "Asina yera". "Yo tamién. Una vegada di-y un esticazu que lu dexé lesionáu, ¿alcuérdase?". Yo: "más o menos". Memoria histórica. Al colar yo, despídome d'él afectuosamente.