Dir por llana...
A pocos metros de mio casa, na acera, pegaren cuatro monedes con un pegamentu industrial. Punxérenles por rise de la xente y, seguramente, pa grabalo en videu (creo que'l graciosu o graciosos nun taben a más d'un metru de distancia).
La mio muyer y yo avisamos a delles muyerines de que nun s'enfotasen en garrales (taben enclincaes enriba d'elles y tirando), que nun diben poder.
Unos díes más tarde, avisamos a un paisanín de lo mesmo. El paisanu nun nos fizo casu, sacó una navaya y entamó xurgar. Ellí lu dexamos.
El casu ye que les monedes esapaecieren, como si les llevare'l Sumiciu.
Probablemente fue esi paisanín, o otru de navaya y enfotu apaecíu, el que díes dempués llantó esti cartel (como don Juan Tenorio, "para quien quiera algo de él") na paré al delláu del pegamentu monederil aceril. Lleé-ylu, que vos va prestar.
