Un asturianu n'Ormuz, allá va nun sé cuánto

UN ASTURIANU N’ORMUZ Domingo de Toral y Valdés (Argüeru, Villaviciosa, 1598-dempués de 1635) fue un aventureru y militar asturianu d’una vida como solo se podía llevar n’aquellos tiempos. Fíu d’una familia probe, fue a servir a Madrid, pelegrinó per España, tornó a Madrid y tuvo un cruce d’espaes nel que dio delles estocaes, polo que tuvo qu’escapar y enrolase nos tercios. Embarcó en Lisboa pa Flandes, dempués fue a la India oriental y tomó parte nel sitiu de Mombasa. Ente eses histories, tocó-y reconocer el puertu d’Ormuz. Dempués, decidió tornar pa España, atravesando Persia, diendo dende Ormuz a Ispahán, dempués Babilonia y Siria. Embarcó n’Alexandría y aportó a Barcelona en 1634. Tien escrita una Rellación de la so vida. Constatino Suárez, Españolito, da noticia de él. Los datos sácolos de Lluis Ánxel Núñez, nel so https://cosescelebres.blogspot.com/