La vuelta del 2011 vuelve a un "clásicu" impresionante, L'Angliru, y estrena un nuevu puertu, La Farrapona, de nome perprestosu, tan asturianu como "L'Angliru", cierto, pero intelixible directamente dende la llingua viva.
La entrada la Vuelta n'Asturies va ser el 3 de septiembre, cola etapa que va salir d'Astorga y finar nos Llagos de Somiedu. La Farrapona, puertu pel que se va pasar esi día, tien 1.708 m., con una subida de 18 kilómetros al 5,2 por cientu de media y ramples de hasta'l 13%.
L'Angliru abre la última selmana la Vuelta, y xúbese la viéspera de la segunda xornada de descansu. La montaña riosana tien 1.570 metros y destaca nella la rampla de la Cueña les Cabres, col so 23,5 por cientu de desnivel.
Bueno, ¿qué quieren que-yos diga? Préstame que la Vuelta venga a Asturies, como supongo que-yos presta a ustedes, y, además de volver amirar L'Angliru, quiero ver cómo ye esi puertu de nome arreyáu al llar antigu, La Farrapona.
Pa más detalles del trazáu de la Vuelta, pinchar EQUÍ
