Malva común, Llaviana

En Llaviana, el 19 de mayu, hacia la una. Malva común o silvestre (Malva sylvestris, de la familia de les Malvácees).

Como siempre, nun depende la belleza de les coses de lo común o vulgar la so presencia, sinón del so mesmu ser.

¡Esto son cereces!

Ayer, pela tarde, a les seis menos cuartu, vieniendo del entierru de Juan Amado, el pá de la mio amiga, collacia de partíu y ex compañera de trabayu, Pili Alonso, tope a Laura y a Tino, pás de Sixto Cortina, el maríu d'Ana Recio, compañeros y amigos, estos dos, de tantos años de partíu, a los que tengo tantu afectu, colos que tantu camín tenemos percorríu y a los que tanto-yos debe l'asturianismu.

Pero'l casu ye que Laura y Constantino veníen de Llaviana, de segar y cuidar una finca suya, y teníen pañao casi toles cereces d'una cerezal, menos les de los caños más altos, que pa los páxaros quedaren.

Y diérenme un puñaín, que-yos les pedí pa la semeya. Amiren pa elles, y, por cierto, taben persabroses, que dempués tomé la preba.

Asina que ¡vaya envidia de los páxaros!

En Llaviana

El 19 de mayu de 2011, ala meyudía. Col candidatu a l'alcaldía de Llaviana, Florentino Cosme y otros candidatos.

Resume de prensa: Por la mañana, en La Felguera, primero, en Llaviana después, en Noreña, por la tarde, acompañado de los respectivos cabezas de lista locales, Xuan Xosé Sánchez Vicented retó a un debate a Francisco Álvarez-Cascos con dos objetivos. EL PRIMERO, HACERLE UN EXAMEN ELEMENTAL DE ASTURIANISMO, EL SEGUNDO, PARA QUE CASCOS EXPLIQUE EL MILAGRO DE SU ASTURIANISMO SOBREVENIDO CUANDO HACE TRES MESES LO ÚNICO EN QUE PENSABA ERA EN ENCABEZAR LA LISTA DE UN PARTIDO TAN CENTRALISTA COMO EL PP.

AXENDA

AXENDA pa la selmana Nº 20

• xueves 19/05/2011
• 10:30 paséu per La Felguera (Llangréu) xunto a Xosé Avelino Devesa, candidatu d'UNIÓN URAS-PAS a l'alcaldía de Llangréu
• 12:00 paséu pel mercáu La Pola (Llaviana) xunto a Florentino Cosme, candidatu d'UNIÓN URAS-PAS a l'alcaldía de Llaviana
• 19:30 mitin na Sala Polivalente de NOREÑA, xunto a Daniel Gonzalez Rajó, candidatu d'UNIÓN URAS-PAS a l'alcaldía de Noreña

• vienres 20/05/2011
• 11:30 paséu pela Plaza del PRYCA (Carrefour) av. del Llano de Xixón xunto a varios candidatos d'UNIÓN URAS-PAS
• 20:00 MITIN PIESLLE DE CAMPAÑA nel Centru Municipal Integráu de L'Arena na C/Canga Argüelles Nº16-18 de Xixón. Más información: EQUÍ

Llaviana: presentación del candidatu d'UNIÓN URAS-PAS

Florentino Cosme García, candidatu d'UNIÓN URAS-PAS a l'alcaldía de Llaviana presentóse güei a los medios y la opinión pública nel llocal social de Llaviana.

Florentino Cosme ye actualmente conceyal nel ayuntamientu de Llaviana. La coalición espera doblar, polo menos, la so representación les prósimes elecciones del 22 de mayu.

Estuvieron presentes, además, Javier López Alonso, Presidente d'URAS y el qu'esto suscribe, Presidente del PAS y candidatu a la Presidencia del Gobiernu Asturianu por UNIÓN URAS-PAS.

Candidatu de Llaviana: Florentino Cosme

Güei miércoles 16 de febreru a les 16:30 na sede d'URAS (C/Pelayu Nº7, La Pola) presentarase a Don Florentino Cosme García como candidatu a l'alcaldía de Llaviana pola coalición UNIÓN URAS-PAS.

Con Florentino Cosme taremos: Xesús Cañedo Valle (Secretariu Xeneral del PAS), Fernando Expósito (Secretariu Xeneral d'URAS), Javier López (Presidente d'URAS) y yo mesmo (candidatu d'Unión URAS-PAS a la presidencia d'Asturies).

Esperámosvos ellí.

AXENDA

AXENDA pa la selmana Nº7

• miércoles 16/02/2011
• 16:30 na sede d'URAS en C/Pelayu 7 de La Pola (Llaviana) presentación de Florentino Cosme García como candidatu a la alcaldía de Llaviana por UNIÓN URAS-PAS