Nun suelo falar muncho de mi nesti blog, pero güei vo facelo porque me presta. Corrí, por cuartu o quintu añu, la Carrera'l Xurásicu y fíce los 6.9 km un poco más apriesa qu'otros años (creo qu'en 36 o 37 minutos).
Acompaño dos semeyes de la salida. Na primera toi con Segundo, el párrocu Colunga (manzorga) y Paco, ún de los responsables dende l'entamu de la competición, al qu'hai que felicitar pol ésitu progresivu de la mesma: esti añu había apuntaos, más de 550; yo, en concreto, corrí col dorsal 525.
Na otra semeya toi con Isidro Martínez Oblanca y dos moces, Yolanda y Begoña, bien prestoses les dos, que cuerren equí siempre con él.
Por cierto, NOTICIÓN, Isidro dizme QUE YE PRÁCTICAMENTE SEGURA LA VUELTA DE FRANCISCO CASCOS, que yá casi lu tienen convencíu. Yo tengo les mios duldes, pero ver veremos.
