La Miñota, Güerres, 05-09-2020.
Mostrando entradas con la etiqueta hibiscu. Mostrar todas las entradas
Mostrando entradas con la etiqueta hibiscu. Mostrar todas las entradas
Hibiscu
Nesti requexu, nel amiestu de Ceán Bermúdez y Francisco de Paula, onde enantes había una casona con xardín.
El 17/08/15.
Hibiscu en Caravia (Prau)
Al pie d'unos bloques de viviendes sociales, formando un magníficu, prestosu y habitatible conxuntu les viviendes y l'entornu.
Les semeyes, del 02/08/12.
(Por cierto, toa Caravia meyoradísima y perguapa. Norabona a los equipos rexentes de los caberos años.)
Barriu Chinu, Xixón (aclaración)
Entruga una de les mios amables correspondientes que ónde ta'l Barriu Chinu en Xixón. Ta (taba) na zona comprendía ente la parte atrás el colexu L'Asunción, la calle Les Mestes y la zona de Viesques onde s'alluguen Caxastur y Supercor.
Digo taba porque va siendo un nome que va cayendo en desusu (como'l de La Catalana, per exemplu) y, además, tengo sentío que a dalgunos de los sos habitantes d'agora nun-yos presta'l nome.
Por ciertu, nun sé por qué se llama'l Barriu Chinu, nin naide me lo supo decir, pero, en tou casu, nun ye por ninguna ocupación conocía (polos menos, de la Guerra Civil p'acá) de cases de lenociniu (nin de les módicu estipendiu, nin de les de preciu como l'estáu de los clientes masculinos visitantes).
Nota: Repito equí la semeya l'hibiscu qu'asoleyé la otra vegada, y que correspuende a ún de los dos hibiscos (de triba estremada) que tán na antoxana de la casa.
Xixón, flores, hibiscu
Esti ye un magníficu exemplar d'hibiscu. Atópase en Xixón, nel barriu Chinu.
L'hibiscu ye un ampliu xéneru (22o especies) de la familia de les Malvácees. Ye típica de países cálidos, anque s'importa y prende bien na nuestra tierra.
Ye un arbustu pequeñu de fueya caduca, de tallos fuertes y fueyes aovalaes y dentaes. Les flores son espectaculares, de hasta 15 cm de diametru, de color roxu, rosa o blancu.
Tien delles aplicaciones melicinales (melecina popular). Na cocina, coles flores prepárense ferviatos que tien fama d'afalar el rixu (darréu, en dellos países árabes prohíbese que la tomen les muyeres).
L'hibiscu ye un ampliu xéneru (22o especies) de la familia de les Malvácees. Ye típica de países cálidos, anque s'importa y prende bien na nuestra tierra.
Ye un arbustu pequeñu de fueya caduca, de tallos fuertes y fueyes aovalaes y dentaes. Les flores son espectaculares, de hasta 15 cm de diametru, de color roxu, rosa o blancu.
Tien delles aplicaciones melicinales (melecina popular). Na cocina, coles flores prepárense ferviatos que tien fama d'afalar el rixu (darréu, en dellos países árabes prohíbese que la tomen les muyeres).
Nota importante: Nun tracamundiar "l'hibiscu" col "llentiscu", masque suenen apaecío. El "llentiscu" ye l'árbol onde, nel pasaxe bíblicu, ún de los vieyos qu'acusen a Susana d'adulteriu, diz, entrugáu por Perry Mason-Daniel, que la vio cometer adulteriu con un mozu, mentantu l'otru, entrugáu aparte, diz que los viera embaxu una alcina (Llibru de Daniel).
Nun confundir tampoco a esta casta Susana con La casta Susana, el xuguete cómicu-líricu nun versu de Miguel Echegaray y Joaquín Valverde, nin cola película de Benito Perojo del mesmu nome, onde actúa como protagonista Marujita Díaz. 
Suscribirse a:
Entradas (Atom)