Como vengo faciendo desayaque, esta tarde lleo un retayu de la mio obra na llibrería Cervantes, n'Uviéu. La hora, ente les cinco y media y les seis, esto ye, cinco minutos ente esos dos momentos, en principiu, a les seis menos cuartu.
La llibrería Cervantes vien celebrando cuantayaque, con motivu del Día del Llibru, una cuerria d'escritores a lo llargo'l día, que lleen de la so obra o de la d'otros.
Esta tarde vo lleer ún o dos poemes (depende'l tiempu) d'un poemariu inéditu que lleva tres o cuatro años caleyando pel mundu ensin tener entovía topao averu. El poemariu va titulase, probablemente, De les hores y les memories o Riendo mores y comiendo llabios, que ye un versu d'un de los poemes que puedo lleer esta tarde.
Los poemes ente los que toi duldando (si ye que solo tengo tiempu pa lleer ún de los dos) son
Oración al riscar (qu'arranca con "Carpe diem" pa da-y la vuelta y vueltes al
topos) y
Parexa camín de la tardina.
Norabuena a la llibrería Cervantes y la empobinadora del actu, Susana Tejedor, pol entamu y la continuidá del mismu. Gracies a dambes pola so invitación y la so atención.
