Abocano de trabayar per unos minutos y prendo la tele. Antena 3, lo que yo-y digo al mio nietu "caer al foyu", "Ahora caigo". Falla un rapaz una pregunta y tóca-y dir al foyu. Debe ser asturianu, porque-y diz el presentador: "¡Puxa Asturias! Bueno, no "puxa" no, que vas para abajo".
Camientu: ¿Quién nos diba decir cuando inventamos la expresión, allá nel 1974 o 1975, que diba cuayar d'esa forma?
Camientu-entruga: ¿Por ciertu, un presentador asturianu o nos medios audiovisuales asturianos diríalo de forma tan espontánea y ensin venir a cuentu?
 |
| Arturo Valls Mollá, presentador de "Ahora caigo" |
Recuerdu: Lo que tuvimos qu'aguantar colos "sabios" (filólogos, filósofos y sabios del común) con aquella babayada, que decíen en seriu, de que "puxar" nun se decía más que pa cagar. En fin, nin comentariu sobre aquella sabiduría.
Observación: A propósitu, Arturo Valls Mollá, el presentador, pronunció un "¡Puxa Asturies!" cola "x" bien pronunciada, non como esa tropiella d'analfabetos de los audiovisuales asturianos que dicen "El Requesón" pol "El Requexón" y "Sisón" por "Xixón".
No hay comentarios:
Publicar un comentario