La ciudá apúrrenos dellos díes placerinos prestosos. Güei, per exemplu, con solo doce graos de temperatura, pero con pocu nordés y un soliquín que templa un daqué'l cuerpu.
Y si ún tien la suerte, o la zuna, de pasear al pie de dalgunos parques, vien enllenalu otru placer sensorial, l'arrecendor a colorofila que desurde de los praos recién segaos poles máquines de los empleaos del Ayuntamientu.
Y unu más, esti non satamente sensorial, masque entre al través de la vista, sinón del complexu sensorial internu: la llume. La llume que nos fai alitar y andar algueros, de la mesma manera que paez qu'afala'l chiar de los páxaros nes sebes.
Prestosos, y gratuitos. Si los combinamos col andar, qu'acaba produciendo una sensación de bienestar, perfecho.
No hay comentarios:
Publicar un comentario