Una obra desconocida: Xuanín o El gatu montés.

Una obra desconocida: Xuanín o El gatu montés. Ayer, 14/02/2024, tuve na presentación d'El Baluarte, la estupenda revista de l'asociación Amigos de Cudillero, n'Avilés. Pues bien, ente otres coses, tópome cola reproducción d'un artículu de Tico Medina del 5 de mayu de 1991 na Voz de Asturias. Nel artículu, dase noticia de delles coses, una d'elles, que topó con un llibru, Xuanín o El gatu montés, pasatiempu cómicu nun actu que s'estrenó nel Gran Teatro de Tacón, la nueche del 10 de mayu de 1885, na Habana. La escena sucede en Llanera. De Sergio García Echevarría nun tenemos dalu datu biográficu nin nel Españolito nin en La Gran Enciclopedia Asturiana. Sabemos d'él que yera militar porque lo diz n'otru testu d'él que conocemos, Una romería en Mieres, qu'asoleyó en 1995 l'Academia de la Llingua Asturiana, na so coleición Llibrería Facsimilar. Una romería en Mieres yera tamién una zarzuela y emprentóse na Habana en 1879. Semeyes d'El Baluarte y de la reproducción de Xuanín o El gatu montés.