Otru alcuentru (y otru más)

Alcuentro esta mañana a un paisanu al que saludo y que me para. Plaza'l Pryca, de "tola vida" (antigua Campona), güei Carrefour. Sonríe. -Xuan Xosé, vas permitime que te trate de tu. Saludámonos al pasar (ye del barriu), tu faeslo porque te sueno, pero nun sabes de qué. Yo fui escolín tuyu nel Xovellanos, tenía yo 14 años. Tengo agora 64. Espréso-y lo que me presta, dámonos la mano y colamos. Y, a propósitu, hai cinco díes paróme un paisanu,altu, que paseaba un perru. Equí, la detención en Manuel Llaneza. Preséntaseme. -A mi diome clase to padre n'El San Luis. Tengo mui buenos recuerdos d'él. A mi mandárenme ellí porque nun estudiaba nada. Ellí, cola ayuda de to padre, fui p'alantre. Saludámonos efusivamente, do-y les gracies y colamos. Nun ye'l primer escolín de mio padre que me para pa saludame.