Un alcuentru

Un alcuentru (14/01/2025) Esta tarde, a les seis y picu. Corte Inglés. Celi. Preséntaseme. Una antigua escolina, d'aspectu bastante mozu, nada menos que d'el institutu de Roces (Xixón), que yá lloviera. Que siempre s'alcuerda de mi con afectu, como, diz tola clase. Y que nun se-y escaez un día que saqué a una rapaza al enceráu a facer un análisis, y que llevaba un xerséi con un árbol atrás, y la frase que-y punxe fue "lleva un xerséi con un árbol pintáu na espalda". Bueno, yeren coses que yo facía en clase. Alcuérdome que n'El Piles púnxe-yos aquella llarguísima recatafila del canciu de José Luis Perales. (dime) ¿y cómo es él?, ¿en qué lugar se enamoró de ti?, ¿de dónde es?... ¿Pa qué vo dicir otra cosa? Prestóme. Por ciertu, nun ye infrecuente que me paren escolinos d'hai 45 años o más (estos son d'El Infiestu) pa saludame. Ensin dulda, una atención a la decrepitú. Tengo que cuidar la báscula.