¿Un xardineru aficionáu a la mitoloxía?

Como ven, esti lloréu dificulta'l pasu pela acera, na Avenida El Llanu, en Xixón: hai qu'averase a la carretera o enclincase, como si fueren el castigu posterior a unes Forques Caudines. Y espoxiga mes tres mes. Polo que se ve, el xardineru quier someter a los viandantes a esi castigu. O, a lo meyor, ye que piensa que ye una encarnación de Dafne, la ninfa que, cuando Apolo va garrala pa violala, pide-yos axuda a so pá, el dios Ladón, y camúdala en lloréu. Talo como lo cuenta Garcilaso: "A Dafne ya los brazos le crecían, / y en luengos ramos vueltos se mostraban". A lo meyor, el xardineru piensa que son los brazos de Dafne, esos caños del lloréu, y por eso los respeta.